ಇಂದು ಸಂಜೆ ಹೀಗಾಯಿತು
ಬರಬೇಕಿದ್ದ ಮಳೆ
ಬಾರದೆ ಹೋಯಿತು.
ಉದ್ಯಾನದ ನವಿಲು ಕಾಲಿಗೆ
ಗೆಜ್ಜೆಕಟ್ಟಿ ಇಷ್ಟಗಲ
ಗರಿಬಿಚ್ಚಿ ಕುಣಿದಿದ್ದಷ್ಟೇ ಬಂತು,
ಯಾವುದೋ ಗಾಳಿಗೆ ತೇಲಿ ಮೋಡ
ದೂರ ಹೋಗಿಬಿಟ್ಟಿತು.
ಕೊನೆಗದು ಪಾಪ ಸುಸ್ತಾಗಿ
ಇದ್ದ ಎರಡು ಕಾಳು ತಿಂದು
ನಾಲ್ಕು ಕೊಕ್ಕು ನೀರು ಕುಡಿದು
ಕಣ್ಮುಚ್ಚಿ ಮಲಗಿಬಿಟ್ಟಿತು.
ಅಷ್ಟರಮೇಲೇ ಶುರುವಾದದ್ದು ಇವೆಲ್ಲ ರಗಳೆ:
ಅವಳ ಕಣ್ಣನ್ನು ಕೊಳಕ್ಕೆ
ಹೋಲಿಸುವ ಬದಲು ಬಾಯ್ತಪ್ಪಿ
ಹೊಂಡಕ್ಕೆ ಹೋಲಿಸಿದ್ದಕ್ಕೆ
ಶರಂಪರ ಕಿತ್ತಾಡಿ ರಂಪ.
ಹೋಗಿದ್ದು ಕೊಂಚ ತಡವಾಗಿತ್ತಷ್ಟೇ,
ಅಷ್ಟಕ್ಕೇ
ಕಿತ್ತಿಟ್ಟುಕೊಂಡಿದ್ದ ಹೂಗಿಡದ
ಪಕಳೆಗಳನ್ನೆಲ್ಲ ಮೈಮೇಲೆ ಅರ್ಚಿಸಿ
ಓಟ.
ಹೂಮಳೆ ತೋಯ್ದ ರೋಮಾಂಚನಕ್ಕೆ
ಹೋದರೆ ಅಟ್ಟಿಸಿಕೊಂಡು, ಮಲಗಿದ್ದ
ನವಿಲಿಗೆ ಎಚ್ಚರಾಗಿ ಬೆದರಿ
ಗರಿ ಫಡಫಡಿಸಿದ ಗಾಳಿಗೆ
ಮೋಡ ಮಳೆಯಾಗಿ ಒದ್ದೆ ತೊಪ್ಪೆ.
ಈಗ ನವಿಲ ಗೂಡಿನಲ್ಲಿ
ಮೂವರು: ಚಳಿಯಿಂದ ರಕ್ಷಣೆಗೆ
ಒಂದಕ್ಕೆ ರೆಕ್ಕೆ, ಇನ್ನೆರಡಕ್ಕೆ ತೆಕ್ಕೆ.
ತಬ್ಬಿ ನಿದ್ದೆ.
[02 ಡಿಸೆಂಬರ್, 2009]
16 comments:
chenngide adarallu kone salu tumba chennagide
ತು೦ಬಾ ಚೆನ್ನಾಗಿದೆ ::)
ತುಂಬಾ ಮುದ್ದಾಗಿದೆ ಕವನ
nice poem!
good poem.
I can merely say "nice poem!", but to be honest (I know many hate me for this), I don't think so. The poem is very textual and lack harmonic weaving of icons, message (if any), and metaphors. When you try to "TELL" something in a poem, it fails, however, when you just decorate it with words it fails too. The success is somewhere in between "telling/conveying" and the iconic decorations!. Icons are mostly used to hint many meanings/messages, but not just one. When you mean just one, it becomes text. As well known, a poem should convey many meanings. -D.M.Sagar
ಅದ್ಭುತ ಕವನ!
ಕವನ ತುಂಬಾ ಚೆನ್ನಾಗಿದೆ.
@sushrutha: hegDe avara hidden words na artha maadkoLi pa.. ;-) ;-)
koneya saalu "02 ಡಿಸೆಂಬರ್, 2009" anta ide.. :P
vishya heengella aida?:)
ಕವನ ಹೆಣೆದ ರೀತಿ ಹಿಡಿಸಿತು.ನನ್ನ ಬ್ಲಾಗಿಗೂ ಬನ್ನಿ.
ಚನ್ನಾಗಿದೆ ಕವನ ಚನ್ನಾಗಿದೆ
ಹೊನ್ನ ಹನಿ
http://honnahani.blogspot.com
vaachyagalu hechchaayiteno!
khushi koduttade.
ಸುಂದರವಾದ ಕವನ..
ನಿಮ್ಮವ,
ರಾಘು.
ಸ್ಪಂದಿಸಿದ ಎಲ್ಲರಿಗೂ ಧನ್ಯವಾದ.. ಸ್ಪಂದನಕ್ಕೂ.. :-)
thumba chennagife haagu romantic kavana
Post a Comment