Sunday, July 03, 2011

ನಡೆಯುವ ಕಪ್ಪೆ


ಅವತ್ತೊಂದು ಮಳೆಗಾಲದ ದಿನ, ಹೀಗೇ ಜೋರು ಮಳೆ.
ನಮ್ಮೂರಿನ ರಸ್ತೆಯ ಪಕ್ಕದಲ್ಲೇ ದೊಡ್ಡ ಕೆರೆ.
ಹುಟ್ಟಿ ಮೂರು ದಿನವಾದ ಕಪ್ಪೆಗಳು ನೀರಿನಿಂದ ಹೊರ-
ಬಂದು ದಂಡೆ ಏರಿ ಕೋಡಿ ಹತ್ತಿಳಿದು ರಸ್ತೆಯನ್ನೂ ದಾಟಿ
ಆಚೆ ಹೋಗುವ ಸರ-
ಭರದಲ್ಲಿ ಚಲಿಸುವ ಜೋರು
ವಾಹನಗಳ ಚಕ್ರಕ್ಕೆ ಸಿಲುಕಿ
ಅಪ್ಪಚ್ಚಿಯಾಗಿ
ಸತ್ತು ಹೋಗುತ್ತಿದ್ದಾಗ

ಇದೊಂದು ಕಪ್ಪೆ ಕುಪ್ಪಳಿಸುವ ಬದಲು
ನಡೆದು ಹೋಗುತ್ತಿತ್ತು.

ಇದನ್ನು ನೋಡಿದ ಒಂದು ಪಿಕಳಾರ ಹಕ್ಕಿ ತಾನು
ಹಾರುವುದರ ಬದಲು ಕುಪ್ಪಳಿಸತೊಡಗಿತು
ಅಲ್ಲಿದ್ದ ನಾಯಿಯೊಂದು ನಡೆಯುವುದು ಬಿಟ್ಟು ಹಾರಿತು
ಕೆರೆಯಿಂದ ಕತ್ತೆತ್ತಿ ನೋಡಿದ ಮೀನುಗಳು
ದಂಡೆಯ ಮೇಲೆ ನಡೆದಾಡತೊಡಗಿದವು
ಹೆಗ್ಗಣಕ್ಕೆ ತಲೆಕೆಟ್ಟು ಕೆರೆಗೆ ಹಾರಿ ಈಜಿತು
ಈ ವಿಚಿತ್ರ ನೋಡುತ್ತ ವಾಹನಗಳೆಲ್ಲ ನಿಂತು
ಬಿಟ್ಟವು. ನಡೆಯುತ್ತಿದ್ದ ಕಪ್ಪೆ ಅರಾಮಾಗಿ ರಸ್ತೆ
ದಾಟಿತು. ನನಗೆ ಏನೂ ಮಾಡಲು ತೋಚದೆ

ಕವನ ಬರೆದೆ.

14 comments:

Tina said...

ಸುಶ್ರುತ,
"ಇದೊಂದು ಕಪ್ಪೆ ಕುಪ್ಪಳಿಸುವ ಬದಲು
ನಡೆದು ಹೋಗುತ್ತಿತ್ತು."
ಅಲ್ಲಿಯವರೆಗೆ ಕವಿತೆ ಇದೆ ಅನ್ನಿಸಿತು.
ಅಲ್ಲಿಯವರೆಗೆ ಬಲು ಇಷ್ಟವಾಯ್ತು!!

Subrahmanya said...

ಒಳ್ಳೇದಾಯ್ತು ಬಿಡಿ !.

sunaath said...

ರಸ್ತೆ ದಾಟಿದ ಕಪ್ಪೆ,
ಲೋಕಸಭೆಗೆ ಹೋಗಿ
ಪ್ರಧಾನ ಮಂತ್ರಿಯವರ ಕುರ್ಚಿಯಲ್ಲಿ ಕುಳಿತಿತು.
"ಎಂಥಾ simple PM!
ಎಂಥಾ honest PM!"
ಎಲ್ಲರೂ ಹೊಗಳಿದರು.

ಸೀತಾರಾಮ. ಕೆ. / SITARAM.K said...

he heಹೇ ಹೇ

ತೇಜಸ್ವಿನಿ ಹೆಗಡೆ said...

ಏನೋ ಮಾಡಲು ಹೋಗಿ ಏನು ಮಾಡಿದೆ ನೀನು?!! :O :-p

ಸುಧನ್ವಾ ದೇರಾಜೆ. said...

Aaha very tricky :)

ಗುಬ್ಬಚ್ಚಿ ಸತೀಶ್ said...

ನೈಸ್...

Dileep Hegde said...

ಅಂತೂ ಲೋಕಕೆ ಪ್ರಳಯ ಗ್ಯಾರಂಟಿ.. !

Ananda_KMR said...

ಇದನ್ನು ಕಂಡ ನಮ್ಮ diggy-doggy ಇದು ವಿರೋಧ ಪಕ್ಷಗಳ ಹುಚ್ಚಾಟಿಕೆ ಎಂದು ಹೂಳಿಟ್ಟಿತು !!!

sukhesh said...

ಒಮ್ಮೊಮ್ಮೆ ಹೀಗೂ ಆಗುವುದು :)

ಸುಶ್ರುತ ದೊಡ್ಡೇರಿ said...

@ Tina,
ಹೂಹುಂ? ;) ಮೇಬಿ! :) ಒಂದು ಪ್ರಯೋಗವಾಗಿ ಬರೆದೆ ಈ ಕವಿತೆ.

:-) ಪ್ರತಿಕ್ರಿಯಿಸಿದ ಎಲ್ಲರಿಗೂ ಥ್ಯಾಂಕ್ಸು.

mruganayanee said...

ಓದಿದ ತಕ್ಷಣ ಇಷ್ಟವಾಗಿ ನಾನೂ ಕಮೆಂಟಿಸಿಬಿಟ್ಟೆ

prathap.brahmavar said...

innu EnEnu nODbEkO naavu..:) nc

Vipra said...

Chennagide.....dhanyavaadagalu...