Wednesday, June 16, 2010

ಉದ್ಯಾನದಲ್ಲೊಂದು ಸಂಜೆ..

ಇಂದು ಸಂಜೆ ಹೀಗಾಯಿತು
ಬರಬೇಕಿದ್ದ ಮಳೆ
ಬಾರದೆ ಹೋಯಿತು.

ಉದ್ಯಾನದ ನವಿಲು ಕಾಲಿಗೆ
ಗೆಜ್ಜೆಕಟ್ಟಿ ಇಷ್ಟಗಲ
ಗರಿಬಿಚ್ಚಿ ಕುಣಿದಿದ್ದಷ್ಟೇ ಬಂತು,
ಯಾವುದೋ ಗಾಳಿಗೆ ತೇಲಿ ಮೋಡ
ದೂರ ಹೋಗಿಬಿಟ್ಟಿತು.
ಕೊನೆಗದು ಪಾಪ ಸುಸ್ತಾಗಿ
ಇದ್ದ ಎರಡು ಕಾಳು ತಿಂದು
ನಾಲ್ಕು ಕೊಕ್ಕು ನೀರು ಕುಡಿದು
ಕಣ್ಮುಚ್ಚಿ ಮಲಗಿಬಿಟ್ಟಿತು.

ಅಷ್ಟರಮೇಲೇ ಶುರುವಾದದ್ದು ಇವೆಲ್ಲ ರಗಳೆ:
ಅವಳ ಕಣ್ಣನ್ನು ಕೊಳಕ್ಕೆ
ಹೋಲಿಸುವ ಬದಲು ಬಾಯ್ತಪ್ಪಿ
ಹೊಂಡಕ್ಕೆ ಹೋಲಿಸಿದ್ದಕ್ಕೆ
ಶರಂಪರ ಕಿತ್ತಾಡಿ ರಂಪ.
ಹೋಗಿದ್ದು ಕೊಂಚ ತಡವಾಗಿತ್ತಷ್ಟೇ,
ಅಷ್ಟಕ್ಕೇ
ಕಿತ್ತಿಟ್ಟುಕೊಂಡಿದ್ದ ಹೂಗಿಡದ
ಪಕಳೆಗಳನ್ನೆಲ್ಲ ಮೈಮೇಲೆ ಅರ್ಚಿಸಿ
ಓಟ.

ಹೂಮಳೆ ತೋಯ್ದ ರೋಮಾಂಚನಕ್ಕೆ
ಹೋದರೆ ಅಟ್ಟಿಸಿಕೊಂಡು, ಮಲಗಿದ್ದ
ನವಿಲಿಗೆ ಎಚ್ಚರಾಗಿ ಬೆದರಿ
ಗರಿ ಫಡಫಡಿಸಿದ ಗಾಳಿಗೆ
ಮೋಡ ಮಳೆಯಾಗಿ ಒದ್ದೆ ತೊಪ್ಪೆ.

ಈಗ ನವಿಲ ಗೂಡಿನಲ್ಲಿ
ಮೂವರು: ಚಳಿಯಿಂದ ರಕ್ಷಣೆಗೆ
ಒಂದಕ್ಕೆ ರೆಕ್ಕೆ, ಇನ್ನೆರಡಕ್ಕೆ ತೆಕ್ಕೆ.
ತಬ್ಬಿ ನಿದ್ದೆ.

[02 ಡಿಸೆಂಬರ್, 2009]

16 comments:

ರಾಘವೇಂದ್ರ ಹೆಗಡೆ- ಸಕಲ ಸ್ಟುಡಿಯೋ. said...

chenngide adarallu kone salu tumba chennagide

PARAANJAPE K.N. said...

ತು೦ಬಾ ಚೆನ್ನಾಗಿದೆ ::)

ಸಾಗರದಾಚೆಯ ಇಂಚರ said...

ತುಂಬಾ ಮುದ್ದಾಗಿದೆ ಕವನ

ಸೀತಾರಾಮ. ಕೆ. / SITARAM.K said...

nice poem!

Subrahmanya said...

good poem.

Unknown said...

I can merely say "nice poem!", but to be honest (I know many hate me for this), I don't think so. The poem is very textual and lack harmonic weaving of icons, message (if any), and metaphors. When you try to "TELL" something in a poem, it fails, however, when you just decorate it with words it fails too. The success is somewhere in between "telling/conveying" and the iconic decorations!. Icons are mostly used to hint many meanings/messages, but not just one. When you mean just one, it becomes text. As well known, a poem should convey many meanings. -D.M.Sagar

sunaath said...

ಅದ್ಭುತ ಕವನ!

Narayan Bhat said...

ಕವನ ತುಂಬಾ ಚೆನ್ನಾಗಿದೆ.

Parisarapremi said...

@sushrutha: hegDe avara hidden words na artha maadkoLi pa.. ;-) ;-)

koneya saalu "02 ಡಿಸೆಂಬರ್, 2009" anta ide.. :P

ಶ್ರೀನಿಧಿ.ಡಿ.ಎಸ್ said...

vishya heengella aida?:)

Dr.D.T.Krishna Murthy. said...

ಕವನ ಹೆಣೆದ ರೀತಿ ಹಿಡಿಸಿತು.ನನ್ನ ಬ್ಲಾಗಿಗೂ ಬನ್ನಿ.

© ಹರೀಶ್ said...

ಚನ್ನಾಗಿದೆ ಕವನ ಚನ್ನಾಗಿದೆ

ಹೊನ್ನ ಹನಿ
http://honnahani.blogspot.com

Dr. Kanada Narahari (Kanada Raghava) said...

vaachyagalu hechchaayiteno!

khushi koduttade.

Raghu said...

ಸುಂದರವಾದ ಕವನ..
ನಿಮ್ಮವ,
ರಾಘು.

Sushrutha Dodderi said...

ಸ್ಪಂದಿಸಿದ ಎಲ್ಲರಿಗೂ ಧನ್ಯವಾದ.. ಸ್ಪಂದನಕ್ಕೂ.. :-)

Bhagya Bachchagaru Suryanarayana said...

thumba chennagife haagu romantic kavana